تعذب أيها القلب وذق
تعذب ياقلبى كما عذبت قلب
واعتصر ألما ومت
مت فاليوم مائة مرة
مت كلما نبضت نبضة
مت كلما نظرت نظرة
مت كلما ثارت بك الذكريات
وتذكر أحن الكلمات
والحب وأعذب الأشواق
تذكر ومت من الأشتياق
تذكر أحلى أيامك
تذكر هواك
تذكر الحب والحنان
تذكر الراحة والأمان
وسعادة لن تعرفها مع إنسان
وأعدك اليوم الحرمان
فعلتها يوما واليوم ذق
تجرع من كأس مرار الحب
واعتصر ألما ومت
عش أياما مظلمة
لا هناء فى أى متاع
لا راحة فى أى مكان
لاحنان فى أى كلام
قسوة من كل إنسان
أين أذهب؟كيف أكون؟
بمن أحتمى وأبث الهموم؟
ظلمت يوما واليوم تجرع
من مرار الظلم واعلم
أنه لا ظالم لك
بل هو العذاب الأكبر
بل هو المرار الأمر
ذق يا قلب ظلم يوما
ذق يا معذب قلبا
ذق كنت يوما قاسيا
كنت يوما متحجرا
كنت يوما من الرحمة خاليا
ذق وتجرع يا قلب الانا
ذق بما أجرمت
على قلب برىء جنيت
أمس لك واليوم عليك
اذهب وتمزق كما مزقت
ولتكن ساكنا مستسلما فهو وعد
عسى ألمك أن يكفر عنك
عسى أن يغفر لك ذنب
فاذهب يا قلبى وتجرع
واعتصر ألما...ومت
soma
19\11\2005
35 comments:
حلوة جداااااااا وفعلا ربنا مبيسيبش حق حد اتظلم ولو متخدش دلوفتى بيتخد بعدين وبيبقى فعلا احساس صعب اوى لما حد ينجرح من القلب اللى حبه واخلصله وانتى وصفاها بطريقة اكثر من روعة تسلم ايدك يا سومى وربنا على الظالم والمفترى0
ياااه كنت عماله أخمن مين هيبقى أول كومنت
البلوج نورت
أنا بجد شفت قدامى نماذج لناس ظلمت ناس وربنا أنتقم منهم وبيحصل فيهم نفس اللى عملوه بالضبط بس جرحهم بيكون أكبر بكتير
ربنا يعافينا كلنا ولا نكون ظالمين ولا مظلومين أن شاء الله
مبعرفش اقيم اشعار انا بس حسيت الكلام جداا
حلو اوى بجد
تحياتى
ربنا يخليك
وعلى فكره انا كمان مش بفهم فى تقييم الشعر
انا بكتب هبلا كدا وخلاص ونفسى فعلا افهم فالاتجاه دا بس اناعموما مش بحسه شعر احنا ممكن نسميه خواطر مثلا
وميرسى على رأيك اللى البلوج نورت بيه
:)
سلامو عليكو
الأخت سمية
عايز أقول لحضرتك إن كلامك اللى كتبتيهولى فى الكومنت دا فرحنى جدا جدا
و فرحنتى أكتر كمان لما عرفت إننا زمايل فى نفس الكلية .. و نفس الجامعة .. مع اختلاف الأقسام
كلام حضرت باين منه إنك فعلا فاهمة .. و عاقلة .. مش زى أغلبية البنات ..
فرحت أوى لما لقيت على البلوج بتاعك لينكات لناس أنا بحبهم جدا
وجيه عزيز
فيروز
الفاجومى
مش سهل أبدا تلاقى بنت بتحب الناس دول ..
دا معناه إنها بنت مثقفة و فاهمة بجد
و ذوقها عالى كمان
مش عايزها قصيدة مدح ... انا عايزها بداية
بداية لتعارف .. و صداقة
و أخوة ..
ياريتك تشرفينى دايما بزياراتك .. و كومنتاتك ..
أنا لسه مش قريت الموضوعات فى بلوجك .. لكن هاقراها أكيد .. و هاعلق عليها
جميل أوى إنك تلاقى حد يقرى كتاباتك و يتفاعل معاها بدون أى غرض .. و لا حتى سابق معرفة
جميل أوى كمان إنك تلاقى حد يشجعك على الكتابة .. لأنه ها يتابعك
و عموما .. انا باشكرك ألف مرة على الكومنت الجميل دا فى بلوجى ...
و يارب ما يكونشى الأخير
زميلك : أحمد حمزة
مش عارف اقولك ايه
يأس دا ..؟
ولا ندم ..؟
هو غالبا بعض من هذا و شىء من ذاك
بس واضح جدا أد إيه انتى كنتى منفعلة و انتى بتكتبى الكلام دا ..
عارفة واضح ليه ..؟
علشان فى تعبيرات كتيرة خانتك .. أو جت مش ولابد يعنى
مافيش مجال للسرد .. لكن قليلة أوى الأعمال اللى تقريها و تحسى إنك مشاركة الكاتب مشاركة وجدانيه فى كل مشاعره
حتى لو كان أسلوب الكتابة مش على المستوى المطلوب
أنتى بالتأكيد عندك أحسن من كده كتير
علشان كده عايز اقولك اكتبى
اكتبى دايما كل اللى حاسة بيه ..
و كل اللى نفسك فيه
و كل اللى زعلانة منه و فرحانة علشانه
خلى البلوج دا متنفس طبيعى لهمومك و مشاكلك و أفراحك و أتراحك
و هاتلاقى دايما - و دا المهم - تفاعل من الناس اللى بيقروا ..
حتى لو كان الكومنت سخيف .. لكن أكيد معبر عن صدى الكلام عند اللى كتب الكومنت دا
عموما .. باهنيكى ...
بلوجك جميل .. و فيه " ريحة " حلوة مش قادر أحددها ..
شكلى هابقى زبون عندك إن شاء الله
تحياتى
الاسطى أحمد
صحيح .. انا شايف تاريخ البوست دا 19\11\2005
يعنى من سنتين ..
ياريتك تكونى دلوقتى بقيتى أحسن .. و انتهت عندك حالة الحزن دى ..
و تكونى كمان بدأتى قصة جديدة
مجرد ملاحظة
يااااه رائع بجد..كلام جامد جدااااا
وفعلا ربنا مبيسيبش
اكيد ربنا هياخدلك حقك حتى لو بعد ميت سنه
فاهماني انتي
الأسطى أحمد
********
نورتنى والله
إيه ياعم بس الكلام الكبير اوى دا حضرتك وفاهمه وعاقله
انا أصغر منك يعنى انا اللى أقول حضرتك مش أنت بس انا مش هقول :)
وأن شاء الله تكون بدايه تعارف وصداقه وأخوه زى ما انت قلت
وأكيد ان شاء الله هتلاقى هتلاقينى متابعة عندك دايما متقلقش خالص
ملوحظه بس:مش سهل انك تلاقى حد بيحب الناس دول مش بنت
يعنى دا مش سهل تلاقيه ولا فى ولد ولا فى بنت ..معلش يعنى
أيوة يا ستى كلامك مظبوط ..
خاننى التعبير بس
و من غير حضرتك المرة دى
:)
بالنسبه بقى لكومنتك على البوست يا أستاذ أحمد
***
شوف
دا كان أرف من الناس كل شويه مشهد يتكرر قدامى كلاكيت الف مرة لما أتخنقت
ولما تفكر شويه تلاقى نفسك بتتصرف بنفس الطريقه اللى كنت بتنتقدها ومش عجباك
فالنتيجه أنك تكتب حاجه زى كدا
فعلا الكلام دا مكتوب بأنفعال جدا جدا
بس ليه بتقول مفيش مجال للسرد ما المجال واسع خالص اهو
ياريت تبقى توضحلى بالضبط تقصد إيه بالتعبيرات اللى خانتنى ..بجد انا بحب النقد جدا
بس على فكره مش لازم يكون عندى أحسن من كدا انا كل اللى عندى أحساس بيخرج كلام وبس
وختاما شكرا جدا على كلامك وتشجيعك ويارب تكون زبون ديما عندى زى ما بتقول وانا ديما هكون سعيده جدا بكومنتاتك وأرائك الصريحه (اللى عجبانى جدا)وشكرااااااا
أه صحيح ردا على ملحوظتك البوست دى مكتوبه من زمان فعلا بالتاريخ اللى عليها وطبعا حاله الزهق دى مش هتاخد معايا سنتين انا مش بستمر فى حاله حزن اكتر من يومين كحد أقصى جدا
متقلقش عليا خالص من الناحيه دى
انا بحب الحياة جدا ومش كثيرة الأكتئاب خالص
وسلاما
ايه دا
انت اون لاين معايا على البلوج دلوقتى
طيب أسرد بقى وقولى على التعبيرات اللى خانتنى
إيه دا هو انتى أونلاين دلوقتى ولا إيه ؟ :)
شكلك فعلا أونلاين دلوقتى
هههههههههههههه
بطاطس
*******
ميرسى على كومنتك وميرسى اكتر لزوقك
وفهماكى يختى طبعا
اسكتى شويه بقى بطلى فضايح
لأ ماهو الأسلوب دا مش ها ينفع ... طريقة غريبة شوية فى الحوار .. تيجى نخليه مباشر ؟
;)
i`m waiting
مش عايزين ننشر غسيلنا على البلوج بقى و الناس تتفرج على الواد و البت
مش ها نقلب البلوج شات يعنى
بعتلك من دقيقة واحدة رسالة على بريدك .. لو وصلت قوليلى .. و ردى على المكتوب فيها
هههههههههه
ثوانى هشوف
waiting .......
تؤ تؤ تؤ
مفيش اى حاجه وصلت
اعمل كوبى للى كتبته فالميل وحطه هنا وابعته
وانشر كل الغسيل وخلى كل اللى هيتفرج يتفرج
أول مبدأ ميهمكش الناس
وصلتتتتتتتتتتتت
يا ساتر يارب...إيه كمية القسوة دى بس !
وبعدين ليه موجهة الكلام لقلبك إنتى فى أول الكلام ؟
الكلام معبر أوى وصريح زيادة بس واضح إنك فى الفترة دى كنتى فى عز الخنقة من البنى آدمين
عامة ربنا مبيسيبش حق حد و"كما ندين تدان"
ايه حلقة التعذيب اللي انتي عاملاها لنفسك دي ......
اه انا معاكي ان الواحد بيغلط وكتير بيجرح ناس عزيزة عليه اوي بس انه يقوم يعذب نفسه وقلبه كده ..!!
ماأعتقدش .... انا ممكن أقولك ان الواحداه بيهزء نفسه وبيبهدلها وممكن يخاصمها وممكن يضغط علي قلبه ويعذبه
بس العقاب بمقدار الجريمة... ولا ايه ؟!
وارحع واقول انه كلام جميل و انا معاكي في ان الحق دايما بيرجع سواء اجلا او عاجلا مهما طال الوقت بيرحع.
وبلاش تعذبي نفسك كتير ... مافيش حاجة تستاهل...
محمود
شكرا على تعلقاتك ووجودك اللى منورنى دا والله بجد
القسوة مطلوب تكون موجوده وانت بتحاسب نفسك
ليه موجه الكلام لقلبى ياسيدى..لان الفكره ان الكاتب هنا بيكلم نفسه وبيلومها وبيدعو عليها بالعذاب عشان يرتاح من الذنب
فعلا انا فاليوم دا كنت مخنوه ومش طايقه جنس البشر
وثانكس مره تانيه على كومنتك وزوقك
تحياتى
يااهلا يا اهلا
البوب بحاله هنا
البلوج نورت والله ونورها زاذ اوى بكومنتاتك ويارب تفضل منوره بيك كدا على طول
أما بقى بالنسبه لحلقة التعذيب
هو كدا اللى يغلط لازم يتعذب ويتبهدل
:)
مممم..طيب أمال بتعمل ايه ياشهاب لما تحس انك كنت السبب فى عذاب انسان وجرحه وتلاقى بعدها ان ربنا خلص دا منك وانك اتعمل فيك زى ما عملت
اكيد هتبهدل نفسك لوم وعتاب وفالنهايه تقولها اتحرقى انتى اللى عملتى كدا وغلطتى ولازم تتعاقبى
واكيد طبعا العقاب بمقدار الجريمة
ومتخفش على نفسى منى انا مش بعذبها والله ولا حاجه خالص بالعكس تماما وأسأل وانت تعرف وبعدين مش كل حاجه تتكتب لازم تكون من واقع تجاربى أنا
وختاما شكرا جدا بجد على وجودك هنا متتخليش انا سعيده اد ايه بكومنتاتك وأرائك الجد دى المختلفه اوى ويارب متكونش اخر مرة
وختاما تحياتى
التورية في اخر كل هذ جعلت الامر يختلط
هل قلبك المقصود ام الحبيب
ان كان قلبك فالله معك وما احلى الرجوع بعد الخطأ وان كان الحبيب واعتقد انه لا يمكن بعد كل كتب يلقب بقلبي في الاخر فاعتقد انه قد خسر
تحياتي
ياااااه ايه ده كله
بجد رائعه
اول مرة اكتشف انى معرفكيش خااالص
mksarat
******
منور البلوج
المقصود هنا قلب المتكلم مش الحبيب طبعا زى ما انت قلت
أتمنى يكون عجبك البوست
وشكرا
mitch
*****
بجد عجبتك!!والله رأيك فرحنى بجد جدا
أول مرة تكتشفى ان انتى مش عارفانى..بصى هو شىء وارد يمكن انا وانتى مجتش فرصة وقعدنا قعدة تجلى قبل كدا وعموما ياستى متعوضه أن شاء الله
ويارب تنورينى دايما
تحياتى
وبعدين بقى فى التقل ده..كل ما أدخل ألاقى مفيش بوستات جديدة...يا بنتى اكتبى اللى ييجى على بالك..مش لازم خواطر كل مرة
أنا هعد 1 2 3 تكونى كتبتى بوست جديد..أوك ؟
تقيلة أنا صح :)
بص انا قلتلك أن الموضوع ان انا بس مليش نفس
بس خلاااص جالى نفس خلاص الحمد لله
وأدى بوست اهو مستنية رأيك
فعلتها يوما واليوم ذق
تجرع من كأس مرار الحب
واعتصر ألما ومت
تقدرى تقولى سطر شعرى او خاطرة بس اكيد شيىء جميل انك تعبرى عن اللى جواكى
Post a Comment