مش قادرة أقول اللى جوايا بكلام

زى ما يكون لسانى واقف مش قادر يخرج اللى جوايا كلام

أول مره أحس انى كبرت وانى بقيت مسئولة عن تصرفاتى وانى بختار حاجه ممكن تبوظلى كل حياتى اللى جايه وممكن مخترهاش وحياتى تبوظ من غيرها

ناس كتير زعلانين منى ..والكتابة كمان خاصمتنى زيهم



بس فى احساس تانى غريب عليا..حسه انى ممكن اخرج اللى جوايا فى رسمايه على ورقه او فى فيلم كارتون اخرجه أنا او اى حاجه شبه كدا



لخبطة جامده جوايا واحاسيس متناقضه وكل احساس فيهم بيحاول يكسب الباقيين ويطلع هو اللى صح

وافكار كتير وبرده كل فكره بتحاول تكسب وتموت الأفكار التانيه عشان هيا اللى تبقى



من غير كلام ورغى كتير لا هيودى ولا هيجيب هيا فتره وهتعدى وهعدى منها أنا وثقه من نفسى فى دى

بس هتغيرممكن حجات للأحسن وممكن حجات للأوحش..مش عرفه



بس هتعدى وهعدى وهتعلم وهكبر وأكيد هكتب تانى بس هيكون فى حجات كتير متغيره ومختلفه اسلوبى نفسه والمواضيع اللى هتاخد تفكيرى وتخلينى أكتب عنها مش هتكون زى قبل كدا



بس



أشوفكم قريب يارب

دعواتكم

سوما :)

بمناسبة الأمتحانات :))

رسائل إلى نفسى

*****************

يا نفسى يا متقاعصة

قرب الأمتحان وأنت لست بمخلصة

فى مذاكرتك وستندمين

وأنا فى ذلك على يقين

فمن لك فى اللجان!

لن تجدى امامك سوى ورقة الامتحان

والصراع بينكما لن يطول

قلة من الساعات والأمر كله يزول

وإذ أنت جالسة بين قلم وورق ومسطرة

وهذا مراقب وتلك مراقبة

ستذكرين وقتها هذا الذى قد مضى

من وقت فسيح كنتى فيه شاردة

بين أفكار وأخبار كلا إلا المذاكرة

لا تلقى إليها بالا ولو مرة ولو مجبرة

ستذكرين وتتحسرين ولكن

أعرفك يا نفسى على نفسك لا تلومين

فستقولين قدر الله وما شاء

وليس لنا الآن سوى الحمد والثناء

على الكريم والدعاء

عله يهبنا برحمته دون أى عناء

لا يا نفسى الله ليس بظلام للعباد

ولا يعطى إلا من أستحق العطاء

ولن يعطيكى ويساويكى

بمن عاش لياليه فى شقاء

وكنت انت فى لهو مع الأصدقاء

وهم سهروا ليالى طويلة

لم يعرفوا فيها طعما للراحة أو الهناء

فلا تتواكلين فالله غير نصير للظالمين

الجاحدين بنعمته اللعوبين

ولا تخيبى أمل الخائفين

عليك ولمصلحتك باذلين

والذين نبهوكى وحذروكى

وهم على ذكائك متحسرين

والذين قالو أنك من المغرورين

اعلميهم أنك لما تريدين ستبلغين

ولنعلم ما ستكون عليه أيامك القادمين

الزمن وحده سيكون عليك أصدق الشاهدين

وسيأتينا ويحاكينا عنك بالخبر اليقين

*******************

2005

قبل الأمتحانات فى ثالثة ثانوى

طبعا ولا فرق معايا الكلام دا

وعدتتتت زى غيرها